"متجيبيش اسمي على لسانك".. ميس حمدان تروي خلافها مع المخرج خالد يوسف

تحدثت الفنانة ميس حمدان، عن تفاصيل خلافها مع المخرج خالد يوسف بعد رفضها تقديم مشاهد القبلات بفيلم "ويجا"، وذلك بعد ترشيحها بدلا من الفنانة دوللي شاهين.

قالت ميس حمدان، في تصريحات تليفزيونية: خالد يوسف ممكن زمان كان في موقف حصل هو حمقي شوية في ردود أفعاله، وهو كان عايزني في الدور بتاع دوللي شاهين

في فيلم ويجا، وروحت المكتب بتاعه وكان فيه هاني سلامة، وكان بيقنعني بالدور وأنا ساعتها كان عندي تمسك فظيع إني مش هقدر أمثل مشاهد القبلات والمشاهد الساخنة في الفيلم.

وتابعت ميس حمدان:كان بيقولي إنتي كده مش فنانة وبطلوا الطريقة دي، وأنتوا اللي بوظتوا الفن وزمان الفنانين ما كانوش بيفكروا بالطريقة دي وكانوا محترمين برضوا، وهو ليه وجهة نظر وتُحترم، وأنا حسيت إني بتحط في زاوية قولتله طيب إديني فرصة أروح البيت أسأل ماما وأنا مكنش عندي الجرأة أعمل المشاهد دي، واعتذرت وقولتله أنا مش هقدر أعمل الدور ده، وزعل وهزقني وقالي بما معناه اللي زيي اللي بوظ الشغلانة.

وأوضحت: "الصحافة عرفت والخبر انتشر وأنا كمان قولت إني كنت هعمل الفيلم، وخالد يوسف كلمني وإداني على دماغي وقالي بما معناه إنتي عايزة تربطي اسمك بيا وتشهري نفسك، ومتجبيش اسمي تاني على لسانك ومتتكلميش عليا خالص، وخدت الكلام وسكت".

وعن محاولة الفنانة هاني سلامة، إقناعها بالمشاركة في فيلم ويجا، أضافت: "هاني سلامة حاول يقنعني مش فيلمه وهو اللي بيعمل المشاهد دي؟ وهاني من الفنانيين اللطاف جدًا وبجد نسمة".