بتفضحي الناس وتشتتي أسر.. كيف علق الجمهور على بكاء بسمة وهبة؟

القاهرة- مصراوي:

تفاعل عدد كبير من متابعي حساب المذيعة بسمة وهبة، على موقع انستجرام، على الفيديو الذي ظهرت خلاله متأثرة وباكية بسبب أغنية "طمني عليك" للمطرب محمد فؤاد.

وجاءت تعليقات الجمهور "بسمة أنا متعاطفة معاكى جدا وبحبك من زمان، بس متضايقة انك بتعملي نفس الحاجة مع ضيوفك، مش مسموح لحد يتك على نقطة ضعفك أو وجعك، ربنا يسعدك بولادك وتشوفيهم فى حضنك فى اقرب وقت، انتي عشان الفلوس وبرنامجك ينجح بتفضحي الناس وممكن تشتتي أسر".

وكتب آخرون "ما هو طبيعي يا بسمة الأغاني بتملانا طاقة سلبية وبتخلينا نحزن أمال ربنا حرمها ليه، بتسمعي أغاني ليه تخليكي حزينة، والله يا بسمة تعبتي نفسك ليه انتي ناقصة كنتي لغيتي الحلقة، كتير كتير برنامج فاشل حرام عليكي إحنا في رمضان، أغنيه دمار دمار دمار لما كنت بسمعها زمان كنت بموت، بصي حضرتك ليه طيب بتضغطي علي الناس.. كما تدين تدان".

وكشفت المذيعة بسمة وهبة أنها فكرت في عدم استكمال حلقتها مع المطرب محمد فؤاد، المقرر عرضها ضمن برنامج العرافة، اليوم الخميس 6 أبريل، بسبب ما وصفته بالتآمر عليها من جانب المطرب وآخرين.

وقالت بسمة في فيديو نشرته عبر انستجرام: "لولا اني بحترم المحطة دي كنت سبت المحطة من اللي عملوه فيا، كان المفروض مكملش الحلقة بس احتراما للمحطة اللي أنا فيها أنا كملت الحلقة"، وعلقت "مش مسامحاك يا محمد يا فؤاد ولا مسامحة كل واحد تآمر معاك عارف نقطة ضعفي".

وقبل دقائق من أذان المغرب، فوجئ الجمهور بالمذيعة بسمة وهبة مقدمة برنامج "العرافة" في فيديو ظهرت خلاله متأثرة وتحبس دموعها قبل أن تنهار متأثرة بالأغنية التي تسمعها في خلفية الفيديو للمطرب محمد فؤاد "طمني عليك".

وقالت بسمة "بص يا محمد يا فؤاد أنا بجد مش مسامحاك ومتشكرة ليك لان الأغنية بقيت اسمعها وعايزة أقول للسادة المشاهدين أن أغنية ممكن تكسر البني آدم من جوة، وتحسسه بحزن شديد، زمان الأغنية دي لما تشتغل مكنتش بحس بالضعف ده ولا بكسرة القلب ده والحزن ده لكن أنا كبرت في السن، كل ما أكبر كل ما مشاعري بتكبر".

وتابعت "بحب ولادي وواحشني، بحلم اني اشوفهم وسعيدة لما بشوفهم، مش مسامحة انك اتكيت على الحتة دي ودموعي تنزل مش هو ده الصح زعلانة منك، مدربة نفسي، الاغنية شغالة، كلمات الأغنية صعبة للي مفتقد شخص، ولادي لما بيوحشوني بروح على صورهم واشوفها عشان تصبرني وانا ولادي مش عايشين معايا من صغرهم كل واحد في بلد، انا كبرت وعرفت دلوقت اني كبرت لان مشاعري مش بتتحمل، بيوحشوني أكتر من الأول وبشتاق لهم اكتر من الاول ونفسي أعيش معاهم اكتر من الاول".

برنامج العرافة يُعرض على قناتي النهار والمحور في رمضان 2023، واستضافت خلاله عدد كبير من نجوم الفن منذ انطلاق الشهر الكريم.

View this post on Instagram

A post shared by Basma Wahba (@basma_wahba)

اقرأ أيضا:

بسمة وهبة تنهار: مش مسامحة محمد فؤاد وكل واحد تآمر معاك

محمد فؤاد عن مشاركته في "رامز نيفر إند": "والله العظيم ما كنت عارف ايه هيحصل"

بسمة وهبة فكرت في عدم استكمال حلقة محمد فؤاد بـ"العرافة" لهذا السبب