"أنا وربنا صحاب وبحب نفسي حب غلط".. أبرز تصريحات تامر حبيب في برنامج "ع المسرح"

كتبت- بهيرة فودة:

حل السيناريست تامر حبيب، ضيفًا على برنامج "ع المسرح"، الذي تقدمه الإعلامية منى عبدالوهاب، وتحدث خلال اللقاء عن تفاصيل حياته الشخصية، وعلاقته بوالديه الراحين، وعلق على تصريحات المخرجة إيناس الدغيدي التي أثارت الجدل.

وإليكم أبرز تصريحات تامر حبيب في البرنامج:

- أنا وربنا صحاب وبناخد وندي كتير، ودعاء الاستخارة أنا بقوله 150 مرة في اليوم.

- أنا كنت طول عمري تخين جدًا وأبويا كان عايزني أخس علشان صحتي، وكان بيقولي متخليش شكلك زي الشوال كده، وجابلي عربية وركنها في الجراج وقالي مش هتركبها غير لما تخس، ولومه عليا كان عاملي عقدة.

- كان عندي دايمًا إحساس داخلي أن أبويا من نوع البني آدمين اللي مبيعرفش يبين مشاعره، وده نوع نشفق عليه.

- أنا فهمت أبويا بعد ما مات من الوصية اللي كتبها، وهو كان متأكد أنه هيموت وتوفى وفاة أي حد يتمناها توفى وهو في الحج، وأنا وقتها حصلي لغبطة في دماغي، وكنت بقول مش المفروض الراجل ده شرير.

- أمي هي ديني ومعبدي ولو أنا وصلت لأي حاجة في الدنيا فأنا مدين بيها لأمي.

- المخرجة إيناس الدغيدي نيتها كانت خير، واتأذيت من كلامها واتهزيت من الهجوم بتاع الناس.

- أنا بحب نفسي حب غلط، وبقيت أقعد مع نفسي وأفهم نفسي.

اقرأ أيضا:

أحمد العوضي يعلق على ردة فعل متابع على الحلقة الثانية من مسلسل "حق عرب"