الراقصة دينا: "رقصت تاني يوم وفاة والدي وابني فخور بيا"

حلت الفنانة دينا ضيفة في برنامج "ع المسرح" تقديم منى عبد الوهاب ويعرض على قناة "الحياة".

وتطرقت "دينا" للعديد من الموضوعات منها الرقص الشرقي، وعن مشاركتها مؤخرًا بالعديد من الأعمال السينمائية والتلفزيونية، وعلاقتها بنجوم الوسط الفني، إلى جانب أسرار وكواليس وخبايا كشفتها لأول مرة.

وقامت "منى" بسؤالها عن ابنها وانها أدلت بتصريحات خلال الفترة الماضية أكدت خلالها أنه ليس لديه مانع مع فكرة الرقص وليس لديه مشكلة في حبك لشغلك، لترد عليها "دينا": "هو فخور بيا، وهو مبيحبش فن الرقص وبيحب حاجات تانية عشان سنه مزيكا مختلفة وهو معندوش أي مشكلة معايا خالص، ومرة وهو صغير شافني، قالي مامي انتي احلي من هانا مونتانا".

كما تطرقت "دينا" عن علاقتها بوالدها الراحل: "ده حبيبي وانا كنت بحبه لحد اخر لحظة ومصدقتش انه مات، أنا أبويا كان صاحبي، ولما مات سري بقي ليا، ومش حقيقي اني رقصت تاني يوم في الفندق اللي توفي فيه هو مات في مستشفى السلام ورقصت تاني يوم عادي، وجوزي لما مات عملت المسرح في نفس اليوم دفنت ورجعت كنت بعرض مسرحية مع أستاذ عادل إمام، وأنا بعرف أفصل يعني ممكن أبقي متضايقة جدًا واعتذر لشغلي بسبب اني متضايقة يبقي مش هشتغل".

واستكملت: "وانا استنيت يوم بعد وفاة والدي عشان انزل اشتغل وبعتبر ان ده شغل وهتدفني وتاخدي العزا وتاني يوم هتنزلي مكتبك وتبقي حزينة برضه، الحزن ميتقطعش في يوم ولا 40 يوم ولا لحد النهاردة كل سنة يوم عيد ميلاده بزعل، وأنا حزينة بطلع شغل مش قادرة أقولك وأحلي أيام برقص فيها لما ببقى متضايقة، الرقص هو حياتي ودايمًا بقعد اتكلم مع نفسي أقول هي الناس اللي مابترقصش بتعمل ايه، ازاي بيخرجوا الطاقة اللي جواهم وهم مابيرقصوش والرقص بالنسبة لي حالة هو عمري كله، وضحيت عشانه كتير وبرنامج جسمي وأكلي وشربي وكل حاجة للرقص، وهو أهم حاجة في حياتي".

اقرأ أيضا:

نورهان منصور: حققت حلم من أحلام حياتي بالمشاركة في "إمبراطورية ميم"

بالصور| رامي عياش يحيي حفلا في كازينو لبنان