ليلى عبداللطيف:" والدي شيخ أزهر وبصوم وأصلي"

كتب- مروان الطيب:

حلت سيدة التوقعات اللبنانية ليلى عبد اللطيف ضيفة على برنامج "العرافة" تقديم بسمة وهبة ويعرض على قناة "النهار" طوال شهر رمضان المبارك.

وتحدثت "ليلى" عن اللغط الذي أثارته خلال الفترة الماضية بالعديد من توقعاتها التي دائمًا ما تأتي في محلها منها الإعلان عن انفصال الفنان حسام حبيب والفنانة شيرين عبد الوهاب، إلى جانب تطرقها لعلاقتها بملوك وعشائر الجن، وعلاقتها بنجوم الوسط الفني اللبناني.

وقامت "بسمة" بعرض مقطع فيديو أرشيفي لها وهي تتحدث عن توقعات "ليلى" التي تأتي في محلها معظم الأوقات وعلقت "بسمة": "أنا أول مرة في برنامجي أجيب تصريح ليا واخلي الضيف يرد عليه وقلبي مصدقك لكن عقلي بيرفض".

وردت ليلى عبد اللطيف قائلة: "أنا كان عمري 12 سنة من بعد وفاة والدي كان شيخ أزهر وأنا انسانة مؤمنة بصوم رمضان وبصلي وأبويا مصري من الزقازيق وكانت امي تقولي أبوكي كان عنده حاسة يقولي ابوكي هايجي دلوقتي ومعاه أبو فروة وكانت تسأله هاييجي ازاي وفجأة نلاقيه بيخبط على الباب وكان الموضوع ده مش معروف لحد غير لوالدتي، ولما كان عمري 12 سنة كنا متعلقين بجدي لأن والدي توفي وانا عمري 7 سنين حسيت ساعتها ان جدي مسافر ومش هنشوفه تاني".

واستكملت: "ووالدتي قالت لي وقتها ده مسافر الحج وراجع ومات هناك وقالت ده يمكن ليلى عندها حاسة زي باباها، وكان عمري 17 سنة وكنت رافضة خطيبي وقتها ومكنتش عايزة اتجوزه وجاله سرطان وتوفي وأمي قالت لي ده من النق بتاعك واتخطبت سنتين وتوفي، ومن وأنا وصغيرة عندي الإحساس ولا بفهم في التوقعات ولا بالتنبؤات ولا بالجن وكل ده انا بعيدة عنه وبريئة منه ومن وأنا وصغيرة لحد دلوقتي قابلت شيخين الشيخ فاروق وده مصري والشيخ مصطفى الرفاعي وكنت عاوزة أوصل للشيخ الشعراوي وناس سموني ليلى صاحب الإلهام الخارق وأنا في فترة التسعينات بالتحديد في 1995 مكانش فيه تليفونات وكانت الناس بتبعت رسائل وأنا بجاوب علي الرسايل".

وأضافت: "وكانت أول مرة اتوقع فيها مع المطرب ربيع الخولي وقعدت معاه كل جمعة يستضيف فنان وقالي ايه بتقولي للفنان ربيع الخولي قولت له بيفقد حد عزيز عليا وبيصلي عليه في الكنيسة ومكنتش شوفته ولا كلمته قبل كده واتوفى اخوه بعدها وده كان أول توقع ".

اقرأ أيضا:

الحلقة الحادية عشر "العتاولة" أحمد السقا يكتشف خيانة طارق لطفي ويهدده "هزعلك قوي"

"هايل يا فنانة متغنيش تاني".. الجمهور يسخر من آيتن عامر وسمية الخشاب في "رامز جاب من الآخر"