أحمد فهمي :" الوسط الفني فيه شللية ومجاملات"

كتب - معتز عباس:

قال الفنان أحمد فهمي، إن مهنة الفن بها جزء قائم على المجاملات والعلاقات، والتي وصفها بـ"الشلاليلة".

وأوضح "فهمي"، في لقائه ببرنامج "حبر سري"، المذاع على قناة "القاهرة والناس"، الخميس: "من وجهة نظري في حاجات في شغلنا مش على حسب المجهود يعني أنا لما كنت بعزف أخذت جوائز كتير جدا لأني كنت ببذل مجهود الناس بتقدره بتاخد جايزة عليه، بحس في الشغلانة بتاعتنا في جزء منه شللية ومجاملات".

وأكد أنه لا يخاف من إطلاق هذا التصريح لأنها حقيقة من وجهة نظرة، مرادفًا: "بقول اللي أنا حاسة، ومحدش بيجاملني عشان أنا مليش شلة، لكن أنا ليا اصحاب بنشتغل مع بعض، لكن لو أنا عند شلة هنشتغل مع جهة معينة لكن دا مبيحصلش، أنا بشتغل مع كل الناس".

وأضاف: "ممكن أقعد مشتغلش عشان مفيش حاجة عجبتني، في خطوات كنت حاسبها وقدرت أعملها، منها فكرة أخرج من منطقة المغني اللي بيمثل ودلوقتي بمثل عشان التمثيل، وبحب أعمل أدوار مركبة وفيها تمثيل تبين امكانياتي ونفسي أخذ جائزة في التمثيل ونفسي في جائزة مش من الجمهور بس ولكن يكون من النقاد ومهرجانات".

اقرأ أيضا..

أول تعليق من آيتن عامر على حلقة "رامز جاب من الأخر"

تعرف على رسالة سمية الخشاب لطليقها أحمد سعد في "رامز جاب من الآخر"