ريم البارودي عن ريهام سعيد: "جتلي عزاء بابا علشان أنا كنت تريند"

حلت الفنانة ريم البارودي ضيفة على حلقة الليلة من برنامج "العرافة" تقديم بسمة وهبة ويعرض على قناة "النهار" طوال شهر رمضان.
وتطرقت "ريم" للعديد من الموضوعات منها خلافها مع الإعلامية ريهام سعيد، وعن مشاريعها الفنية خلال الفترة المقبلة، إلى جانب مشاريعها الفنية، وعلاقتها بنجوم الوسط الفني، والعديد من الأسرار والخبايا التي كشفت عنها لأول مرة.
وقامت "بسمة وهبة" بعرض صورة تجمع "ريم" مع "ريهام سعيد" وقالت "بسمة": "انتوا كان بينكم وبين بعض قضايا وهاجمتوا بعض كتير ازاي المشكلة خلصت؟".
ورت "ريم البارودي": "مازال فيه قضايا بيننا ومفيش عداوة تيجي بعدها محبة، واللي يقول كده يبقى كداب واحنا بنمشي ورا أمثال غلط، دي أمثال قديمة دي مينفعش يبقى فيه كره وفي عداوة وأنا بأذيكي وأنا بكرهك وبعد كده تيجي المحبة عمرها ما تيجي محبة، لكن في محبة ييجي بعدها كره وتيجي عداوة، وجات لي عزا بابا عشان الكاميرات وعشان ريم البارودي تريند يعني وكانت لقطة منها طبعًا".

واستكملت: "ولما تلاقي حد جايلك وداخلك عزا وانتي في وقت انتي مش قادرة تفكري لأن إلا الأب والأم بيبقى ضهره اتكسر، ومبتفكريش اللي قدامك أذاك قد ايه او حصل منه ايه، خلاص انتي بتشوفي حد داخل عليكي فبتنسي ودي غلطتي، وكان المفروض ساعتها مسلمش عليها وبعتت لي رسالة قبل ما تيجي تعزي وقالت لي انا عايزة اجي اعزي بس خايفة تقولي أن أنا باخد اللقطة والرسالة موجودة".

اقرأ أيضا:
50 صورة من حفلات سحور النجوم.. مي عمر وبسمة بوسيل ويسرا الأبرز

"مش هنرجع تاني أبدًا".. هشام ماجد يكشف سبب انفصاله عن أحمد فهمي