محمد حماقي: "بصراحة مش بحب حد ينتقدني"- فيديو

11:46 ص السبت 30 مارس 2024

تطبيق مصراوي

لرؤيــــه أصدق للأحــــداث

كتبت- بهيرة فودة:

تحدث الفنان محمد حماقي عن عدم حبه للنقد الذي يتعرض له الفنانين.

وقال حماقي خلال لقائه في برنامج"big time podcast"، الذي يقدمه الإعلامي عمرو أديب على شاشة"mbc1": "الفنان حساس بجد ومش كلام برامج ولا أفلام، وحقيقي هو حساس ومرهف، وأقل حاجة بتضايقه، وأقل حاجة بتأثر فيه".

وأضاف: "فكرة إبداء الرأي أو إنك تقول رأيك بالشكل دا، احنا عمرنا ما كنا كده".

وعن بعض الأشخاص الذين ينتقدونه، قال: "الشخص دا ماعندوش أي مبرر، واحنا شعب عربي عاطفي، وبتحكمه مشاعره، ولما تبقى مشاعرك سابقة لازم تبقى مقدر قيمتها وخطورتها".

وتابع حماقي: "أنا بشوف حاجات مش بصدقها، أنا مش ببص لأنه خلاص ابتديت أحس إنه مافيش منه فايدة، وماينفعش أنزل أغنية وأدخل أشوف كل الكومنتات دا شيء مش هيفيدني، بالعكس، هيضايقك".

وأكمل: "أنا بصراحة مش بحب النقد، أنا مش بتبسط لما حد ينتقدني، أنا بحس إن فيه حاجة ناقصة، أنا بتضايق لما أحس إن وقع مني حاجة".

وطرح الفنان محمد حماقي مؤخرًا، أغنية "دلعنا كتير"، عبر قناته الرسمية بموقع "يوتيوب".

وأغنية "دلعنا كتير" لـ حماقي من كلمات أيمن بهجت قمر وألحان محمد حماقي وتوزيع تميم.