جميلة عزيز: خطيبي تخلى عني فترة مرضي.. ومحاولش يعرف عني حاجة

القاهرة- مصراوي:

كشفت الفنانة جميلة عزيز، عن تخلي خطيبها عنها أثناء فترة مرضها، مؤكدة أنها تعلمت من التجربة وراضية تمامًا بنصيبها.

وقالت جميلة عزيز، في لقائها مع المذيعة إنجي هشام، في برنامج "المنسي" المعروض عبر قناة "هي": خطيبي تخلى عني ومسألش عليا فترة مرضي، لقيته اختفى وسافر ومبقاش له وجود خالص في حياتي، ودي من الحاجات اللي أثرت فيا نفسيًا جدًا، أنا مريت بحاجات صعبة جدًا في فترة تعبي، كأن ربنا كان عايز ينور بصيرتي أن ده شخص وحش، ويمكن المرض ده جالي علشان أبعد عن أشخاص معينة وأفوق لأني كنت مرتبطة بيهم جدًا".

وتابعت: "اتخطبنا حوالي 3 سنين، وشوية شوية كان بيختفي، لدرجة أني كنت تعبانة جدًا ومردش عليا، وهو مكانش يعرف عني أي حاجة أنا حية ولا ميتة لغاية دلوقتي، ولغاية دلوقتي محاولش يعرف عني حاجة، وكان بيقولي أنا مش هبعد عنك إلا لو مت، لو كان هو حصله كده كنت أنا عملت كده؟ استحالة أنا عندي أصل، ده لو مربية قطة في البيت وتعبت مش هترميها في الشارع وهتعالجيها".

وبرنامج المنسي، من تقديم إنجي هشام على شاشة هي، ويُعرض يوميًا في تمام الساعة العاشرة مساء، طوال شهر رمضان 2024، ويحل عدد من نجوم الفن ضيوفًا على برنامج المنسي، للحديث عن بداياتهم وتفاصيل مشوارهم والتحديات التي واجهتهم على مدار مشوارهم الفني.

اقرأ أيضا

جميلة عزيز: صاحبتي تخلت عني في مرضي.. وقررت أتحجب بعد شفائي

زينة تنشر صورا من كواليس مسلسل "العتاولة"