هادي الباجوري: "الجمهور بيموت في المشاهد الجريئة وكبيرنا نعمل مشهد بوسة في السينما"

كتب - مروان الطيب:

حل المخرج هادي الباجوري، ضيفًا على حلقة الليلة من برنامج "حبر سري" على قناة "القاهرة والناس".

وتحدث "الباجوري" عن النجاح الكبير لمسلسل "سفاح الجيزة" الذي عرض مؤخرًا وحقق نجاحًا كبيرًا ونسب مشاهدة مرتفعة، وعن مشاريعه خلال الفترة المقبلة، إلى جانب علاقته بنجوم الوسط الفني، كما تحدث عن كواليس وأسرار يكشفها لأول مرة.

وعرضت له مذيعة "حبر سري" تصريح على لسانه وهو "الممثلة اللي مش مستعدة للهجوم متشتغلش"، ورد عليها قائلا: "الجملة دي مكانتش عشان التمثيل، دي كان ليها علاقة بالهجوم بتاع موضوع البوسة ولو فيه مشهد معين هي مش عايزة تعمله عشان ماتتهاجمش، والكلام ده مكانش عشان ممثلة لأدائها، واحنا مبنعرفش نعمل مشاهد زي دي أنت كبيرك في مصر تعملي مشهد بوسة أو حضن ومش في التليفزيون كمان في السينما".

واستكمل: "وأنا مش مجنون أطلب منها مشهد جنسي في الفيلم، إنما لما يبقى فيه مشهد معين يتطلب فيه كده زي واحدة مثلا مشفتش حبيبها 6 شهور فلما تشوفيه أول مشهد عندي هتسلمي عليه بالأيد؟، يبقى متعمليش المشهد ولا الفيلم ده".

وأضاف: "وأنا مطلبتش منك حاجة غريبة لأنك بتعملي ده بره الكاميرا بس انتي مش عايزة تعمليها عشان الجمهور مايوجعش دماغك".

وبسؤاله عن ما إذا كانت المشاهد الجريئة تحوز على إعجاب الجمهور، فقال: "آه طبعًا الجمهور بتاعنا بيموت في المشاهد الجريئة، والمواضيع اللي فيها مشاهد جريئة وقلة أدب وبينتقدوا عشان فيه نفاق بينهم وبين نفسهم".

اقرأ أيضا:
صراخ وانهيار هدى المفتي.. بسبب كلب رامز مقلب "رامز جاب من الأخر"