يسرا: "عادل إمام وقف معايا في كل الأزمات اللي مريت بيها"- فيديو
كتبت- بهيرة فودة:
تحدثت الفنانة يسرا عن علاقتها بـ"الزعيم" عادل إمام وأنه كان بجانبها في كثير من الأزمات التي مرت بها.
وقالت يسرا خلال لقائها في برنامج "big time podcast"، الذي يقدمه الإعلامي عمرو أديب على شاشة "mbc1": "أنا ممكن أتكلم العمر كله على عادل إمام، العمر كله مش كفاية، وميكفنيش".
وأضافت يسرا: "عادل في كل أزمة أنا مريت بيها في حياتي هو كان واقف معايا، في كل أزمة كبيرة وقف معايا".
وتابعت: "في مرة كنت بصور وبشتغل بس ما كنش عندي فلوس، كان وقتها الفيلم بـ 5000 جنيه، وكان عندي عربية مرسيدس قولت هروح أبيعها لحد ما ربنا يفرجها، لقيته جالي البيت وقالي (عايزة تبيعي عربيتك ليه؟، قولتله إزاي عرفت، بصراحة ماعنديش فلوس)".
وأكملت: "عادل إمام خطط إنه يجيبلي فيلم وقالي اطلبي اللي انتي عايزاه".
وأردفت يسرا: "في مرة كنت مريضة جدا وبموت، دخلت عملت عملية 6 ساعات فقدت فيها الوعي، الهيموجلوبين وصل 5، عادل كلمني قالي (أنا هجيلك)، قولتله: لا هتضايق فرد وقالي (لا مش جاي)".
وتابعت: "عادل بيحب أصحابه ومخلص ليهم ووفي ليهم، عادل مش أستاذ فن بس، هو أب عظيم، وصديق مهم، وعنده تقييم للبني آدمين مخيف".
واختتمت يسرا: "تجربتي معاه بتسعدني، كواليسه عظيمة، فنه مالوش زي".
View this post on Instagram
اقرأ أيضا:
غادة عبدالرازق تنشر صورا من كواليس مسلسل "صيد العقارب"
يسرا تكشف عن أول قصة حب في حياتها – فيديو
فيديو قد يعجبك:
