ميار الببلاوي عن ياسر جلال: "كلمته على رقمه الخاص رد عليا وقالي أنا اللبيس"

كتبت- نوران أسامة:
حلت الفنانة ميار الببلاوي ضيفة على برنامج "العرافة" التي تقدمه الإعلامية بسمة وهبة، وتحدث خلال عن حديثها مع الفنان ياسر جلال، وعن شعورها بالحزن بسبب عدم مشاركتها في "الفتوة".

وقالت: "أنا بحب ياسر جلال جداً وبادئين مع بعض، وأخوات وأصحاب، وفي وقت من الأوقات كان واحشني التمثيل، ومحتاجة أشتغل، لظروف نفسية وقناتي كانت مقفولة".

وأضافت ميار: "أنا جيل أحمد السقا وجيل كريم عبدالعزيز، عمري ما رفعت سماعة التليفون وقولتله أنا عايزة اشتغل معاك، فـ أنا أتجرأت مره وقولت أكلم ياسر، فكلمته وكان بيعمل مسلسل الفتوة، فـ قولتله ياسر أنا عايزة أطلب منك حاجة بس مكسوفة".

وتابعت: "وقولتله ياسر أنا عايزة أشتغل معاك في مسلسل الفتوة لأنه في عصر معين وينفع ألبس الحجاب قالي والله مقدرش ومليش حكم في المسلسل ومقدرش أختار حد، واليوم ده قلبي وجعني، ومرة تانية ومرة تانية كلمته على رقمه الخاص رد عليا وقالي أنا اللبيس".

يعرض برنامج "العرافة" الساعة 6 مساءً على قناتي المحور والنهار والإعادة الساعة 3 فجرًا و4 عصرًا.