حسام حبيب يكشف مفاجآت عن حياته الشخصية وعلاقته بـ شيرين عبدالوهاب

كتبت- نوران أسامة:

حل الفنان حسام حبيب ضيفًا على الإعلامية بسمة وهبة في برنامج "العرافة" المذاع عبر قناتي النهار والمحور، وكشف خلال لقائه عن تفاصيل غير متوقعة عن حياته الشخصية والمهنية، وعلاقته بالفنانة شيرين عبد الوهاب.

وقال حسام حبيب: "أنا بعت بيتي والفيلا والعربيات، وصرفت على نفسي، وعمري في حياتي ما أخدت فلوس من حد، ولا هقبل حد يصرف عليا، وعمري ما زعلت على أي حاجة، الفلوس مش هي متعتي، متعتي الحقيقية في إني أشوف اللي قدامي سعيد وفرحان، حتى لو ده على حسابي أنا.. أنا غبي وأناني، لأني فكرت في شيرين ولم أفكر في نفسي".

وتابع: "أنا مش ملاك، أنا مجرم، بعد اللي عملته في حق أهلي وحق أصحابي، لأني سمحت إن الكلام ده يتقال عنهم، سمحت إن حد يتكلم عني بالطريقة دي و يجرح كرامتي، أنا غلطت في حق نفسي لما فكرت في شيرين قبل ما أفكر في نفسي، وأعطيتها كل حاجة، وهي في المقابل تركتني للتهديد والإهانة وقلة القيمة!"

وعن تهديده لشيرين وتخويفها، أضاف حسام حبيب: "أنا مش بهددها ولا بخوفها، بس خلاص كفاية! كنت متخيل إنه هييجي يوم وتطلع تقول الحقيقة، لكنها تركتني للتهزيق وقلة القيمة، والخوض في عرضي وعرض أهلي، مع احترامي لكل حد، أنا راجل متربي كويس، وعائلتي ناس تشرف، لكن للأسف حصلت وقيعة بيني وبينهم بسبب اللي حصل".