حسام حبيب: "شيرين مديونة ليا بـ 60 مليون جنيه"

كتبت- سهيلة أسامة:

كشف الفنان حسام حبيب عن تفاصيل جديدة حول علاقته المادية بالفنانة شيرين عبد الوهاب، أكد أنها مدينة له بمبلغ يتجاوز 60 مليون جنيه، وذلك خلال لقائه مع الإعلامية بسمة وهبة في برنامج "العرافة" المذاع عبر قناتي النهار والمحور.

وقال حسام حبيب: "مش شغل حد أنا بجيب فلوسي منين، أنا اشتغلت 8 سنين متواصلة قبل شيرين، والحمد لله ربنا أنعم عليا بعرف أنام وأكل وأشرب وأصرف على نفسي، هل الناس شافتني ماشي بلبس مقطوع".

وانتقل حسام للحديث عن الأموال التي يدين بها لشيرين، مشيرًا إلى أنها بنفسها اعترفت أمام الجميع بأنها تدين له بمبالغ كبيرة، وقال: "شيرين مديونالي بفلوس في مرة شيرين وقفت قدام الناس كلهم وقالت: أنت ليك عندي فلوس وخدها، رديت عليها وقلت لها عيب، أنا جوزك وبعمل كده علشان أحافظ عليكي، ردت عليا قالتلي ماليش في أبو بلاش".

وتابع: "ولجأت للمحامي وكلمت المحاسب وكل حقي هخده، كل ده وأنا مش هاخد منها فلوس، بس كنت عاوز أثبت لها أنا سايب لها قد إيه".

وأضاف: "المحاسب قالي إن الرقم كبير جدًا، والحقيقة إنها مديونة ليّا بأكتر من 60 مليون جنيه أو أكتر، وعندي كل الأرقام اللي تثبت الكلام ده".

كما كشف حسام عن تفاصيل شراكتهما في إحدى الشركات، موضحًا أنه يمتلك 10% منها، بينما تمتلك شيرين نسبة 80%، إلا أنه لم يحصل على أي أرباح منها، حيث قال: "إحنا شركاء في شركة مساهمة، أنا ليّا فيها 10% وهي ليها 80%، بس الأرباح كلها في إيدها ومش بتديني أي حاجة، ولا حتى بتعامل مع الشركة، هي اللي بتحكم فيها لوحدها".