آسر ياسين لـ"مصراوي": "قلبي ومفتاحه سبايسي ومش مغامرة"

كتبت- منى الموجي:

قال الفنان آسر ياسين إنه لم ير مسلسل "قلبي ومفتاحه" مغامرة، مشيرا إلى أن المخرج تامر محسن خلق ظرفا عبثيا لنشاهد كيف ستتصرف الشخصيات خلاله.

وتابع آسر في تصريحات خاصة لـ"مصراوي": "مش شايف المسلسل مغامرة، هو سبايسي جدا، تامر محسن بيخلق ظرف عبثي يخلي الشخصيات تتصرف من خلاله، ويبني الشخصيات كويس قوي ويشوفها هتعمل إيه في الظرف ده".

وأشار إلى أن الحكاية تجعل المشاهد يسأل كيف سيكون تصرفه إذا كان في نفس مكان الشخصيات، مضيفا "ومن الحاجات المهمة للفن إنه يخليك تفكر، التفكير ده ينعكس عليكي في حياتك، أنا لغاية دلوقتي فاكر مسلسلات زمان زي أرابيسك والراية البيضا، واللي كانوا بيوثقوا المجتمع بيفكر إزاي، والنماذج عاملة إزاي".

قلبي ومفتاحه تأليف مها الوزير وتامر محسن، بطولة آسر ياسين، مي عز الدين، محمد دياب، أشرف عبدالباقي، سماء إبراهيم، أحمد خالد صالح، عايدة رياض، محمود عزب، إخراج تامر محسن.