بطريقة سهلة.. الإفتاء توضح كيفية حسابها لقيمة زكاة الفطر

كتب- محمد قادوس:

أعادت دار الإفتاء المصرية، عبر صفحتها الرسمية على فيسبوك، نشر طريقة حسابها لقيمة زكاة الفطر عن هذا العام.

وقالت الإفتاء في بيانها: اعرف دار الإفتاء المصرية حسبت قيمة زكاة الفطر ازاى بطريقة سهلة وبسيطة وميسرة ولغة عامية أيضا سهلة وبسيطة:

(حسبناها على القمح اللى بيتعمل منه العيش اللى كل الناس فى مصر بتاكله

طيب سعر أردب القمح كام ٩٠٠ جنيه

والأردب فيه ١٥٠ كيلو

يبقى سعر الكيلو كام ٦ جنيه

طيب والزكاة أد إيه صاع من قمح

طيب الصاع يساوي كام كيلو طلع يساوي ٢.٠٤ كيلو

يبقى نضرب ٢.٠٤ كيلو * ٦

يطلع الناتج ١٢.٢٤ جنيه

ودار الإفتاء قالت إنه ١٥ جنيه

يعني كمان مزودين عن السعر بشويه بحيث اختلاف الأسعار في الأردب

و ١٥ جنيه الحد الأدنى يعني طلع أكتر من ١٥ جنيه لو معاك ودخلك يسمح لك

بس اللى مش هيقدر فأقل حاجه يطلعها عن الفرد ١٥ جنيه

وتخرج قبل صلاة العيد).