"بيشرب سجاير تفاريحي.. ده برضو حرام؟".. شاب يسأل وعلي جمعة يرد

كتب - علي شبل:

ضمن مناقشة قضايا تهم الشباب والمراهقين والإجابة عن أسئلتهم المثيرة، والمطروحة خلال لقائهم مع الدكتور علي جمعة، عضو هيئة كبار العلماء بالأزهر الشريف، ومفتي الجمهورية الأسبق، في حلقة أمس من برنامجه "نور الدين والدنيا"، كشف جمعة عن حكم شرب السجائر بدون استدامة أو إدمان، وتطرق إلى كيفية توجيه النصيحة للشخص المدخن.

في رده على سؤال من أحد الشباب حضور البرنامج، يقول: "لو حد بيشرب السجاير بس مش باستمرار زي مابيقولوا تفاريحي.. ده بردو حرام؟".. يقول جمعة: "تفاريحي إزاي مش يمكن يبقى حزايني، ده استهانة بالذنب، ده برضو إثم، لأن السجاير مضرة، وشربها حرام".

ووجهت طالبة سؤالا للدكتور على جمعة تقول فيه: "إزاي أنصح حد بيشرب سجاير من غير ما أجرحه؟"، ليرد المفتي الأسبق، قائلًا: ممكن أنصح واحد بيدخن أقوله، مبتسما: ما تبطل الدخان ده يا أخي، فيرد: والله نفسي أنا كمان عاوز أبطل، هنا يبقى أنا نصحته من غير ما اضايقه ولا أجرحه.

وأضاف جمعة أن النصيحة تكون بلطف وأدب "ماينفعش اروح اقول للي بيدخن إيه ده ريحتك وحشة يبقى كده انا جرحته".

وأنهى جمعة حلقة برنامجه ولقائه بالشباب، بالتأكيد على حرمة التدخين شرعًا.

اقرأ أيضاً:

نشرة الفتاوى| أدعية ليلة القدر وتوصية من الإفتاء بخصوص علاماتها.. وساحر تائب يكشف أسرار الجن

هل تجوز صلاة التهجد بعد أداء الوتر في التراويح؟.. الإفتاء توضح ما عليك فعله