"خلصت القصة وتمامك مع مبارك".. مجدي الجلاد يحكي قصة أشهر مانشيت "إنذار"

(مصراوي):

عُرض مساء أمس الجزء الثاني من حلقة الكاتب الصحفي مجدي الجلاد، رئيس تحرير مجموعة "أونا" للصحافة والإعلام المالكة لمواقع (مصراوي، يلا كورة، الكونسلتو، شيفت) في برنامج "ورا الشمس" مع الإعلامية أميرة بدر، عبر شاشة فضائية الشمس.

وحكى "الجلاد" عن أصعب موقف مر به، قائلاً: كانت بعد "إنذار" أشهر مانشيت في الصحافة المصرية، موضحًا أنه في يوم 25 يناير 2011، المصري اليوم صدرت بالليل مع نزول المتظاهرين ميدان التحرير، وعند كتابة المانشيت قفلت على نفسي مكتبي وبدأت أحلل الموقف بإحساسي ومسكت ورقة بيضاء وكتبت عليها "إنذار" والناس كلها فاكره المانشيت لانه كان حقيقي ويُعبر عن الواقع في الشارع والدولة كلها".

وأضاف:" جالي تليفون من أنس الفقي وزير الإعلام في ذلك الوقت قالي هو انت شايف ان اللي حصل امبارح إنذار قولتله أيوة يا فندم دة لمصلحة البلد.. قالي هو مبارك بياخد إنذار قولتله لا إنذار للبلد ممكن تلحقوا وتصلحوا الحاجات اللي الناس زعلانه منها".

وتابع: " قالي عارف إن الناس اللي نزلوا إمبارح مش هينزلوا تاني.. خلصت القصة يا مجدي بس انت تمامك مبقاش معايا ولا مع صفوت بيه ولما القصة دي تخلص يا مجدي تمامك هيبقى مع حسني مبارك شخصياً".