رانيا يوسف عن قفزة الباراشوت: لازم نكسر حاجز الخوف ونشوف جمال بلدنا

كتب- محمد جمعة:

قالت الفنانة رانيا يوسف، إن تجربة القفز بالباراشوت في برنامج "نجوم السماء" في مصر أكثر جمالًا ومختلفة تمامًا عن تجربتها السابقة في إسبانيا.

وأضافت رانيا، خلال مداخلة هاتفية مع برنامج "التاسعة" المذاع على التلفزيون المصري، مساء الأحد: "أنا نطيت من شرم الشيخ، بلدنا من فوق حلو جدًا، ولون البحر بتاعنا مختلف تمامًا عن إسبانيا.. بحر بلدنا مفيش زيه في العالم، وأنا كنت شغالة مضيفة ولفيت العالم مشفتش في جمال شواطئنا والجو بتاعنا".

وتابعت رانيا: "أنا مجنونة وعلى استعداد أكرر التجربة كل ما أروح شرم الشيخ وأنا عنيا مغمضة، ناس ملتزمين في المواعيد والنظام والمسؤولية والاحتراف، وناس لطاف جدًا وأنا مطمنة في وسط أهل بلدي، ولما قلت لبناتي طلبوا مني يخوضوا التجربة".

واستطردت رانيا: "لازم كل فترة نكسر حاجز الخوف اللي بيزيد مع العمر، ولازم نعمل حاجات مجنونة ويبقى في شقاوة ونعيش العمر".