عمرو أديب: القدس أكبر رمز للنضال على مستوى العالم

كتب - معتز عباس:

عقب الإعلامي عمرو أديب، على ما تقوم قوات الجيش الإسرائيلي تجاه المصلين واقتحام المسجد الأقصى، قائلًا: "لا توجد ديانة تنص على ما يحدث من إسرائيل ضد المسجد الأقصى".

وقال "أديب"، في برنامج "الحكاية"، المذاع عبر فضائية "ام بي سي مصر2"، اليوم السبت: "بعدين تلاقي إسرائيليين بيتكلموا عربي بيقولك هو في اية يا جماعة انتم لية مش عايزين نبقى اصحاب ومش بتتكلموا معانا.. اتكلم مع مين اصحاب مع مين".

هي دي بداية الصداقة هو دا فكركم عن السلام بين العرب والإسرائيليين هو دا الفكر".

وأضاف، قائلًا: "لما اشوف مشهد زي دا وابني قاعد جنبي اقوله اية اقوله المسجد بيجراله اية، الاجيال الجديدة اغرس فيها اية، وعايزين نغرس الصداقة الإسرائيلية العربية في الأجيال الجديدة ازاي وانتم متضايقين من الناس اللي بتصلي وتعتكف في المسجد وفي بيوت الله".

وأكمل: "في ناس بتغضب مش بيعجبها هذه الأفعال، احنا مش لوحدنا ومش في الصحراء ولازم يعرفوا ان الناس لحم ودم مش جماد، دا انا بتكلم على الأقصى مع احترامي لكل الاماكن المقدسة".

وعن تجاهل الدول الغربية لما يحدث في فلسطين، أضاف: "بستغرب من طريقة تفكيرهم والغرب يأتي في صفهم وانهم مع إسرائيل ومن حقها الدفاع عن نفسها، طب والمسلمين دول دا مش باقي غير الجامع كمان عايز تقسمهم، عندكم مليون معبد سيبوا الاقصى في حالة، القدس رمز النضال في العالم".