"بتلم كانز علشان تعيش".. وبنتها: "نفسي في حتة لحمة وهدوم".. "باب الرضا" يكشف معاناة الحاجة خيرية - فيديو

كتب-محمد أبو بكر:

عرض برنامج "باب الرضا"، الذي يقدمه الزميل محمد سامي، رئيس قسم الأخبار بموقع "مصراوي"، بالتعاون مع مؤسسة مصر الخير، تقريرًا مصورًا مع الحاجة خيرية محمود، وهي مطلقة، ولديها طفلة تسمى "جودي".

وقالت الحاجة خيرية محمود: "أنا بلم كانز وحاجات علشان بنتي، وكيلو اللحمة مدخلش بيتي وربنا اللي يعلم بيا، وعندي 41 سنة، وبنتي اسمها جودي، وأنا مطلقة ومش بيصرف على بنتي ولا بيقولها أنتي جعانة ولا عطشانة".

وأضافت الحاجة خيرية: "طليقي مش بيجيب حتى لبنتي هدوم العيد، وبلم كانز وبكسب منه ساعات 20 أو 50 ودي حياتي كلها علشان خاطر بنتي، ومعنديش غير بنتي".

وتابعت: "كل أما تقولي نفسي في حتة لحمة أقولها الظروف منيلة ومش عارفة أجيب حاجة ليها خالص وبلم أنا وهي كانز علشان أكلنا وشربنا، وهي في حضانة، وأمي وأبويا واخواتي متوفيين، وعندي روماتيزم في رجلي، وباخد علاج".

وأكملت: "نفسي في غسالة، وحتة لحمة علشان خاطر العيلة دي".

وقالت جودي "ابنتها": نفسي في حتة لحمة وهدوم.