هند صبري: أشبع الجانب الروحي بالتعبد وأصبحت أقدر نعمة الصحة بعد كورونا

كتبت- منال الجيوشي:
كشفت الفنانة هند صبري الكثير من جوانب حياتها خلال لقائها مع إيناس
سلامة الشواف على راديو إنرجي ٩٢.١ ببرنامج "اتنين..اتنين".

وقالت صبري في حديثها: "مش هنعرف طعم النجاح بدون تجربة الفشل ودايما
بيكون لحكمة، و مش بفرح أوي بنجاحي ودايما بفكر نفسي إن النجاح بيجي بعد
تعب كتير فالإحساس بيكون ممزوج بالمسؤولية وأصحابي بيقولولي إنتي نكدية".

وأكملت حديثها قائلة: "الخوف من الآخرين بيولد فينا شعور ممكن نفسره بأنه
كراهية، وفلسفتي في الحياة إني ميكونش في أحكام مسبقة على حد وأقدم
المحبة عشان ألاقيها في المقابل والطريقة دي حققت نتايج ترضيني".

تدور فكرة برنامج "اثنين اثنين" حول البحث عن الحاجة وعكسها داخل مشوار
كل فنان، متى شعر بالنجاح ومنى شعر بالفشل، ما هو الموقف الذي أعطى له
الأمل، وما الذي تسبب له في الشعور باليأس، ويعرض البرنامج من الأحد
للخميس في تمام الساعة الثامنة مساء.
‎
وعن ثنائية الأمان والخوف، قالت: "الأمان والخوف ثنائية لكن هي نفسها
الحب والخوف لأن سبب الأمان هو وجود المحبة، عمرك ما هتخاف في مكان فيه
حب".
وعن الحضور والغياب، قالت صبري: "في مهنتنا ثنائية الحضور والغياب
مهمة جدا لأن الغياب كتير مقلق والحضور بكثرة غلط لازم توازن بينهم وده
صعب في زمن السوشيال ميديا".

وأكملت حديثها: "الصحة والمرض أهميتها وضحت أكتر بعد أزمة كورونا وبقيت
أقدر نعمة الصحة وأسيبها على الله لأن التفكير فيها كتير يسبب خوف وده
بيأثر على المناعة وبيعرضنا للمرض".

‏وعن النقد والمدح، صرحت قائلة: "في مهنتنا مهمة جدا ثنائية النقد والمدح
بس مش بتأثر بيهم.. ولو الفنان شاف قيمته الفنية مرتبطة بالمدح والجوايز
هيبقى طول عمره أسير ليهم، مش بشكر ناقد مدح فيا لأنها مش علاقة شخصية..
هو بيأدي عمله وأما بقابلهم بقولهم كده وبيتفهموا ده.. ونفس الشيء، مش
بكلم اللي رفض شغلي ومبزعلش".
‎
‏وأضافت: "مش بحب السلبية، أنا شخص إيجابي لو أقدر أعمل حاجة هعملها
وبحاول في مجالات مختلفة زي الحفاظ على البيئة أو دعم برنامج التغذية
العالمي".
‏وتابعت: "الجانب الروحى مهم جدا وبشبعه بالتعبد والتأمل والقراءة عن
العوالم المختلفة والطب الهندى القديم".

‏وعن ثنائية الخير والشر، قالت: "الخير والشر موجودين فينا كلنا وأهم
ثنائية في الدراما.. الثنائية دي اختيار شخصي تحب تنمى إيه وإزاي تواجه
أي نزعة شر بداخلك وتجاهد نفسك، الخير والشر موجودين فينا كلنا وأهم
ثنائية في الدراما.. الثنائية دي اختيار شخصي تحب تنمى إيه وإزاي تواجه
أي نزعة شر بداخلك وتجاهد نفسك