زيزو: المكانة اللي وصلت لها عند جماهير الزمالك والوضع اللي خدته ميتعوضش

كتب- حسن مرسي:

أعرب أحمد سيد زيزو، لاعب الفريق الأول بنادي الزمالك، عن تمنيه البقاء واللعب ضمن صفوف القلعة البيضاء، قائلًا: "المكانة اللي وصلتلها عند جماهير نادي الزمالك والوضع اللي خدته ميتعوضش، واختياري الأول إني أقعد في الزمالك، لكن في النهاية القرار في إيد النادي".

وقال زيزو في حواره مع الإعلامي عمرو أديب، ببرنامج "الحكاية"، المُذاع عبر فضائية "mbc مصر"، مساء اليوم الجمعة: متقارنش لاعيبة نادي الزمالك بلاعبين في أي نادي تاني، إديني نفس الظروف والمقومات والاستقرار وبعدين قارن.

وتابع لاعب الفريق الأول بنادي الزمالك: "ماباكلش مكرونة بشاميل ومحشي الا عند امي في المنيا، وفي حاجة معينة لازم أعملها كل ماتش، أيلا بنتي بتختار لي اللبس، بفتح لها الجزامة وهي بتختار الشوز، لو أنا لبست حاجة وهي قالت لي لا ممكن مجبش جون الماتش ده.. وتختار لي ساعة معينة أروح بيها معسكر، دي الحاجة اللي بتفائل بيها دايما قبل كل ماتش، ايلا هي وش السعد عليا في جميع المباريات".