باسم مرسي يعلن موقفه من جابر ويؤكد: "مش عاوز ألعب كورة تاني"

كتب- علي البهجي:

علق باسم مرسي، مهاجم نادي الزمالك، على الأحداث التي عاشها في ملعب الدفاع الجوي، بعد مشاركته في مباراة فريقه أمام إنبي، مشيرًا إلى أن اللاعبين لم يعلموا وقوع ضحايا على خلفية الاشتباكات بين "وايت نايتس" والأمن.

وقال مرسي: "أقسم بالله ما كنا نعرف إن في حد مات خالص، وإحنا لعبنا عشان الناس اللى جايه من كل مكان في مصر، عشان خاطر الجمهور، ولما سجلت للزمالك ذهبت إلى الجمهور احتفالا معهم بالهدف".

وكان مجلس إدارة الزمالك رفض اعتماد عقود تجديد عمر جابر، بسبب رفضه المشاركة في المباراة إنبي، التي أقيمت أمس الأحد، وشهدت أحداثا أسفرت عن سقوط 22 شخصًا من مشجعي الفريق.

وأضاف مرسي خلال تصريحات تليفزوينة: "إحنا دخلنا الملعب في عربة مصفحة، وعمر جابر قال كلنا هنلعب".

وتابع: "أنا مش عايز ألعب كورة تاني لو كل يوم ناس هتموت، مش عارف أنام، أحسن حاجة إحنا بنحبها هو جمهور نادي الزمالك".

واستطرد: "عمر ماكنش قادر يتنفس بسبب قنابل الغاز، وقرر يسخن معانا وتعب أثناء التسخين، ولو عمر كان عارف كان المفروض يقولنا".

واختتم: "عمر عمل كده عشان يبين للناس صورة إنه حلو، ولاعبي الزمالك الآخرين هم من قرروا خوض المباراة رغم سقوط الضحايا!".