رسائل نارية من آل الشيخ للأهلي: بطولاتكم زائفة.. فهمت "الفيلم".. ورحم الله صالح سليم

كتب- أحمد شريف:

عاد تركي آل الشيخ، مالك نادي بيراميدز، للهجوم على مجلس إدارة النادي الأهلي، بعدما نشر تدوينة مطولة عبر حسابه الرسمي على موقف فيسبوك.

ورد تركي خلال تدوينته على تهديد النادي الأهلي بالانسحاب من النسخ المقبلة للبطولة العربية للأندية، مع التنديد بالشكوى التي تقدمت بها إدارة القلعة الحمراء ضد اللاعب عبدالله السعيد، لدى الاتحاد الدولي لكرة القدم.

وقال آل الشيخ: "ما شاء الله لسه فايقين إن فيه هجوم وإساءة ليكم من رئيس الاتحاد العربي؟ وليه؟ لما قلت في لقاء تليفزيوني من كام يوم إني بفكر أستقيل من الاتحاد العربي، فحبيتوا كالعادة تاخدوا اللقطة وتطلعوا أبطال قدام الجمهور وتلعبوا على نغمة إحنا اللي مشيناه".

وأكمل: "كمان مش دي البطولة اللي لعبت فيها مباراة قبل كده وطلعت؟! وهو أنت شاركت عشاني ولا عشان مصر وعشان الجايزة اللي بـ٨ ملايين دولار؟".

وأضاف: "وبعدين لما عرفتوا إن اتحاد الكرة حيأجل الماتش وده حق مشروع لبيراميدز رحتوا عاملين بطولة ومنزلينها في بيانكم وكأنه مخرج ليكم؟! عشان ميبانش إن اتحاد الكرة أخذ القرار العادل".

وأوضح: "كمان عاوز أسأل هو ماتشنا معاكم كان من غير جمهور الدور الأول، يبقى من حقنا الماتش التاني يبقى بدون جمهور وده الحق الطبيعي لينا".

وأردف: "بسأل للمرة المليون وقدام الجمهور الآن فين قرار قبول الاستقالة من الرئاسة الشرفية؟! ومين اللي خايف يواجه؟ أنا اللي طالبت إن الماتش يكون كأس وبنفس التاريخ وبح صوتي من ١٠ أيام بكده".

وأكمل: "ومين اللي عاوز يأجل ماتش الزمالك؟ أنا بستغرب، أخاف ليه وأنا فايز بـ٢، وجول من السعيد وجول من أوفر من السعيد؟ لاعب منتخب مصر اللي اتدفع قيمته ٣ مرات واللي أحارب فيه واللي رميت بكل الذوق والمبادئ ورحت تشتكيه لفيفا وعلى الأهلي السعودي اللي منه الأمير المرحوم عبدالله الفيصل الرئيس الفخري واللي فيه صالة باسمه في النادي".

واختتم: "أنا فهمت الفيلم اللي كنت بتعمله، بس للأسف متأخر، الهدف إحراق صورتي وكسب بطولة زائفة قدام الجمهور، الله يرحمك يا صالح سليم...!".