متعب منتقدًا مروان محسن:"خد إجازة".. و "كارثة لو انت مش حاسس بمكانك في الملعب"

كتب- علي البهجي:
انتقد عماد متعب، لاعب الأهلي ومنتخب مصر السابق، أداء مروان محسن مع الأهلي خلال مواجهة الفريق أمام الزمالك بالجولة الـ 21 بدوري we المصري

حقق نادي الزمالك فوزًا على الأهلي بثلاثة أهداف لواحد، مساء اليوم السبت باستاد القاهرة الدولي، في إطار مباريات الجولة 21 من دوري We المصري.

وتجمد رصيد الأهلي عند 56 نقطة في المركز الأول بترتيب المسابقة، بينما ارتفع رصيد الزمالك إلى 42 نقطة في الوصافة، قبل خصم ثلاث نقاط بقرار من اتحاد الكرة المصري.

وقال متعب في تصريحات لقناة أون تايم سبورتس:" هقولك كلام يا مروان ويا ريت ما تزعلش مني، خد إجازة وحاول ترجع وتعيد حسباتك".

وأضاف:" تبقى كارثة لو انت مش حاسس الموقع ومكانك في الملعب".

وأتم متعب تصريحاته:" لو شايف ان ما فيش حد بيساعدك في الفريق لا انت اللى مش مساعد نفسك، انت خارج التفكير والماتش تماما".