قائد الزمالك لمصراوي: أحمد مرتضى خلق حالة من الاستقرار داخل ألعاب الصالات

كتب - علي يحيى:

علق أحمد الأحمر لاعب نادي الزمالك ومنتخب مصر لكرة اليد علي فوز فريقه بدوري المحترفين لكرة اليد علي حساب المارد الأحمر النادي الأهلي في بنتيجة 29-22 .

وقال أحمد الأحمر في تصريحات خاصة لمصراوي:" ألف مبروك لكل جماهير الزمالك واللاعبين والجهاز الفني ومجلس الإدارة علي بطولة جديدة للنادي ، ودي مش حاجة جديدة علينا ودي العادي بتاعنا ، كل اللاعبين كان رجالة وعلي قدر من المسؤولية".

وتابع : " كلنا كنا مركزين وكله بيبذل أقصي ما عنده ، وخاصة لما نتحط في موقف ضغط ده بيخلينا نطلع أكتر حاجة عندنا علشان نفرح جماهيرنا ."

وشدد " في الفترة الأخيرة الزمالك يشهد حالة من الاستقرار الإداري في النادي وده اللي ظهر من خلال البطولات التي حققتها العاب الصالات في الفترة الأخيرة ، والفضل يرجع بعد لربنا لأحمد مرتضى مخلي فيه حالة من الإستقرار داخل الصالات سواء معنوياً او مادياً وده خلي اللاعبين يبذل كل جهدهم".

وأكد : "أنا مستمر مع نادي الزمالك ولا يوجد أي خلاف مع أحد داخل النادي ولم اتلقي عروض من أي نادي ، أنا لسه عقدي قاعد فيه سنة ولسه بدري جدا عن التحدث عن تجديدي مع نادي الزمالك ."

وأختتم تصريحاته " أتمني تحقيق مزيد من البطولات داخل القلعة البيضاء علشان نفرح كل الجماهير اللي بتساندنا دائما ".