رضا عبد العال:"قرار بيع فتوح تاريخي والأهلي بطل صالح كورة بسبب السهر"

كتبت- هند عواد:

وصف رضا عبد العال، لاعب الزمالك والأهلي السابق قرار عرض لاعب القلعة البيضاء أحمد فتوح للبيع بالتاريخي.

قال في تصريحات خاصة لمصراوي: "قرار مجلس إدارة نادي الزمالك تاريخي، لو النادي الأهلي فيه لاعب ساب المعسكر ومشي هيعمل إيه؟".

أضاف: "صالح جمعة أحرف لاعب جيه في مصر في فترته، النادي الأهلي اللي بطله كرة عشان بيطلع يسهر، ماليش دعوة بخصوصية اللاعب لكن إمتى اقطع رقبته؟ لما يبقى عندي ماتش بكرة والراجل يسيب المعسكر ويمشي".

تابع: "ده إمام في أوضة مغلقة أقامتوا عليه الحد بفيديو مسرب وجمهور الأهلي كانوا عايزين يعتقلوه، ما بالك لما يسيب معسكر وهو عنده ماتش بكرة".

اختتم رضا عبد العال: "معنديش مشكلة إن اللاعب يسهر طالما بعيد عن الملعب، إنما لما بنيجي للملعب وهو ملتزم أنا ماليش حاجة عنده".

يذكر أن مجلس إدارة نادي الزمالك قرر إيقاف ثلاثي الفريق وعرضهم للبيع وهم، أحمد فتوح والزناري ومحمد صبحي.