"ماينفعش اللي بيقوله".. ميدو يرد بقوة على عمرو أديب بشأن رحيل لاعبي الزمالك للأهلي

رد أحمد حسام ميدو على تصريحات الإعلامي عمرو أديب بشأن أمنية لاعبي الزمالك في الانتقال إلى صفوف الأهلي.

قال ميدو في تصريحات تلفزيونية: "معنديش مشاكل مع الإعلامي عمرو أديب، وعلاقتي بيه جيدة جدا، لكن مينفعش يطلع يقول إن لاعبى الزمالك كلها نفسها تروح الأهلي، ايه الدليل اللي معاك على الكلام ده؟".

أضاف: "كلامك يا أستاذ عمرو يضر النادي جدا، أحسن لاعب في مصر وهو أحمد سيد زيزو لسة مجدد في الزمالك وكان عنده عروض من الأندية المنافسة في مصر".

وأوضح: "لاعبى الزمالك معظمها لسة مجدد، ومفيش غير 3 او 4 بس عقودهم بتنتهي والناس شغالة على التجديد".

أكمل: الأهلي كان هيموت على محمد صبحي حارس المرمى، والناس قالت خلاص إن صبحي في الأهلي، وجمهور الزمالك هاجمه في مباراة فاركو، صبحي اختار يلعب فين؟ اختار يلعب في الزمالك".

أتم: "نفس الكلام بالنسبة لمصطفى شلبي، الأهلي والزمالك كان في مفاوضات مع اللاعب، لكن مصطفى شلبي اختار يلعب في الزمالك، وحدث ولا حرج من أول دويدار ومعروف يوسف وخالد قمر كل الناس دي اختارت اللعب للزمالك"