كامل الوزير لـ عمرو أديب: الحال مش هيستمر كدا في الزمالك ومرتضى منصور سامعني

علق الفريق كامل الوزير، وزير النقل، على الأحوال داخل نادي الزمالك، والظروف التي يعيشها الأبيض في الوقت الحالي.

قال كامل الوزير، خلال تصريحات تلفزيونية مع الإعلامي عمرو أديب عبر قناة "إم بي سي مصر": "القادم أفضل للنادي بتاعنا الزمالك والسكة الحديد، مافيش حال بيستمر كدا، انتوا فاكرين أن في حال هيستمر كدا، أكيد أعضاء مجلس إدارة الزمالك سمعني والمستشار مرتضى منصور كمان سامعني".

أضاف "الوزير": "هو المستشار مرتضى منصور هيفضل قاعد طول العمر، لا طبعا هيتغير واللاعيبه مش هاتفضل قاعده طول العمر، كل واحد ليه عمر وبعدها خلاص بيرحل".

أكمل: " صحيح أنا زملكاوي والجميع يعلم، لكن مش مبسوط أوي بخسارة الأهلي أمام بيراميدز بثلاثية، الفريق الأحمر نادي مصري، وبقول نخلينا في النادي بتاعنا أحسن".