"معملتش حاجة وبتفرج على بتروجيت عشانك".. وليد سليمان يحكي أبرز مواقفه مع أبوتريكة وجوزيه

تحدث رئيس قطاع الناشئين بالنادي الأهلي، وليد سليمان، عن بداية مسيرته الكروية وكيفية إنضمامه للقلعة الحمراء.

وقال وليد سليمان عبر قناة الأهلي: "جمهور الأهلي حاجة كبيرة جداً عندي، والانضمام للنادي كان حلم، وكان عندي إصرار من وأنا صغير اللعب للمارد الأحمر".

وأضاف: "كنت لاعب صغير في بني مزار، بعدها روحت حرس الحدود مع طارق العشري، ثم انتقلت إلى الجونة التي كانت البداية".

وتابع: "كلمني حسام البدري، بعد ما اتفرج عليا وعجبته، وقال لي هجيبك الأهلي السنة الجاية، وكابتن الخطيب كلمني ولعبت سنة لإنبي وانضميت لفريق أحلامي".

وأردف: "اتعلمت كتير من الجيل الكبير، ولعب منتخب قبل ما اجي الأهلي وكان اسمي كبير ساعتها".

وأوضح: "لاقيت مانويل جوزيه قالي انا عايز اقعد معاك، وانت ملكش رصيد عندي لأنك انت لسه معملتش حاجه خلتني انزلك الملعب".

وأكد: "غيرت من كل حاجة في شخصيتي ولعبي وابتديت التزم واخد تعليمات من اللاعيبة الكبار لأن كنت عاوز يبقى ليا رصيد في النادي الأهلي واتعلمت منهم المسؤولية واني مخسرش".

واختتم وليد: "أول مباراة لي مع الأهلي كانت في كأس مصر، وأبو تريكة قال لي أنا بحب اتفرج على بتروجيت عشانك".