وصفات سريعة في أقل من 30 دقيقة

مكرونة فوتيتشيني ألفريدو

المقادير:

2 x قطعة زبدة، 1 ½ x كوب (140 جرام) جبن بارميزان مبشور، 1 ½ x كوب (140 جرام) كريمة لبّاني، 1 x رشة ملح، 1 x رشة فلفل اسود مطحون، 1 x معلقة صغيرة بودرة ثوم، 1 x كيس مكرونة فوتيتشيني، ½ x كوب (140 جرام) جبن رومي مبشور.

الخطوات:

في حلة هانغلي ميه و عليها شوية ملح، بعد ما تغلى هنضيف عليها كيس المكرونة و نسيبها 8 لـ 10 دقائق او لحد ما تستوي، وعلى ما المكرونة تستوي هانبدأ نعمل الصوص. نجيب طاسة غويطة و نضيف الكريمة و هي على النار، ونضيف عليهم الزبدة و نقطعها قطع صغيرة بالمعلقة الخشب و نقلب جيدا لحد ما تذوب، ونضيف الملح و بودرة الثوم و الفلفل، زنضيف الجبن الرومي و البارميزان و نقلب جيدا علي درجة حرارة متوسطة لحد ما يذوب الخليط و يبقى صوص، وبعد تصفية المكرونة من المياه هانضيفها على الصوص و نقلبهم كويس. جاهزة للتقديم.