- إختر إسم الكاتب
- محمد مكاوي
- علاء الغطريفي
- كريم رمزي
- بسمة السباعي
- مجدي الجلاد
- د. جمال عبد الجواد
- محمد جاد
- د. هشام عطية عبد المقصود
- ميلاد زكريا
- فريد إدوار
- د. أحمد عبدالعال عمر
- د. إيمان رجب
- أمينة خيري
- أحمد الشمسي
- د. عبد الهادى محمد عبد الهادى
- أشرف جهاد
- ياسر الزيات
- كريم سعيد
- محمد مهدي حسين
- محمد جمعة
- أحمد جبريل
- د. عبد المنعم المشاط
- عبد الرحمن شلبي
- د. سعيد اللاوندى
- بهاء حجازي
- د. ياسر ثابت
- د. عمار علي حسن
- عصام بدوى
- عادل نعمان
- علاء المطيري
- د. عبد الخالق فاروق
- خيري حسن
- مجدي الحفناوي
- د. براءة جاسم
- عصام فاروق
- د. غادة موسى
- أحمد عبدالرؤوف
- د. أمل الجمل
- خليل العوامي
- د. إبراهيم مجدي
- عبدالله حسن
- محمد الصباغ
- د. معتز بالله عبد الفتاح
- محمد كمال
- حسام زايد
- محمود الورداني
- أحمد الجزار
- د. سامر يوسف
- محمد سمير فريد
- لميس الحديدي
- حسين عبد القادر
- د.محمد فتحي
- ريهام فؤاد الحداد
- د. طارق عباس
- جمال طه
- د.سامي عبد العزيز
- إيناس عثمان
- د. صباح الحكيم
- أحمد الشيخ *
- محمد حنفي نصر
- أحمد الشيخ
- ضياء مصطفى
- عبدالله حسن
- د. محمد عبد الباسط عيد
- بشير حسن
- سارة فوزي
- عمرو المنير
- سامية عايش
- د. إياد حرفوش
- أسامة عبد الفتاح
- نبيل عمر
- مديحة عاشور
- محمد مصطفى
- د. هاني نسيره
- تامر المهدي
- إبراهيم علي
- أسامة عبد الفتاح
- محمود رضوان
صبري سراج
صبري سراج يكتب: والعصفور صوصو
جميع الآراء المنشورة تعبر فقط عن رأى كاتبها، وليست بالضرورة تعبر عن رأى الموقع
بقلم - صبري سراج:
(1)
من كام سنة كده قامت ثورة في مصر على نظام رئيس اسمه حسني مبارك كان حكمه فاسد وحواليه شوية فاسدين وحرامية ونصّابين بـ يمصّوا – ولا مؤاخذة - دم الغلابة وبـ ياكلوا مال النبي ويحلّوا بقوتي وقوت عيالي يا عبد الهادي... هييييه المهم تفوت أيام وتيجي أيام ويخرج مبارك ونظامه ويرجعوا يترشحوا لمجلس الشعب عادي والثوار اللي عملوا الثورة أصبحوا 3 فرق، فريق في السجون، وفريق في القبور - ودول ولاد محظوظة - وفريق بـ يلطم ع الخيبة والويبة، ولا تسألني عن الويبة لأني وعهد الله ما اعرفها.
بعد ما تقرأ الحكاية دي واللي بالتأكيد قرأت قبلها إن علاء عبد الفتاح وشركاه خدوا أحكام بالسجن المشدد، افتكر إن علاء اللي سواء بتحبه أو ما بتحبوش، بينزل من زورك أو بيقف فيه، اتسجن هو واللي معاه بتهمة التظاهر عشان سيادتك ما تتحاكمش عسكريا وتتحاكم أمام القضاء المدني الشامخ - يستاهلوا مش كده؟.
(2)
الصحفي إيهاب الخطيب رئيس القسم الرياضي في الوطن ورئيس تحرير ملعب إف إم والمذيع بقناة الأهلي - ربنا يزيده - قرر فجأة يشوط في أبو تريكة ومحمد صلاح، لغرض لا يعلمه إلا الله وهو طبعًا... حقك يا عم إيهاب ما يجراش حاجة.. مقال الأستاذ إيهاب اعتبر إن أبو تريكة هو مرشد صلاح، وانتقد سكوت أبو تريكة - وبالتبعية صلاح - عن الحديث عن كل ''الشهداء'' اللي بـ يموتوا في الفترة اللي فاتت في حوادث إرهابية واقتصار تدويناتهم ومواقفهم على ضحايا الأولتراس.
طيب مش عيب يا أستاذ إيهاب تبقى صحفي رياضي لك اسمك ومصادرك وأخبارك اللي ''ما بـ نلاقيهاش عند أي حد'' وما تعرفش إن أشهر نجوم الأهلي ومصر قال مليون مرة إنه مش هـ يتكلم في السياسة تاني؟ وبالتالي اتهامك له بإنه ما بيحبش الجيش والشرطة والكلام ده اتهام فاضي؟... ومش عيب يا أستاذ إيهاب لما تفكر تتهم تريكة وصلاح بإنهم دواعش تبقى مش عارف الفرق بين داعش والإخوان؟... ومش عيب يا أخي لما تحب تشتم تريكة تلزق الشتيمة في لاعبي الأهلي كأنها على لسانهم هم؟... ومش عيب برضه تبقى صحفي المفروض تدافع عن حرية التعبير وتتهم اللي هـ يختلفوا معاك بإنهم خلايا نائمة؟ وبعدين يا أخي لما انت ما بتفهمش في السياسة بتقرب لها في مقالاتك ليه؟... عيب يا خطيب.
(3)
- وانت دكتور في إيه ياسي الأستاذ؟
- دكتور في الفلسفة.. تعرفي الفلسفة؟
- ليه وانت فاكرني جاهلة.. ده أنا ساقطة خامسة ابتدائي 3 مرات..!
ده ديالوج بين معالي زايد وأحمد زكي - رحمهما الله - في فيلم البيضة والحجر... ومالوش علاقة بالكلام اللي فات.
(4)
ما بين العشرينات والخمسينات من القرن الماضي قتلت سيدة أمريكية اسمها نانسي هازل 11 شخصًا، واعترفت بجرائمها بعد ما مات زوجها الخامس.. الست هازل قتلت والدتها واخواتها الاثنتين وحفيدها وابن اخيها وطفلين وأربعة من أزواجها، لأنها كانت تبحث عن ''الشريك المثالى''... أنا أعرف بلاد بـ تذاكر من نفس الكتاب وأنظمتها بتحكمها بنفس الطريقة بالضبط.
(5)
الأولة للنبى .. والتانية أيوب ..
والتالتة غربتى .. والرابعة المكتوب ..
والخامسة .. اللي افترى حتمًا يبات مغلوب
ودي كمان مالهاش علاقة بالكلام اللي فات.
المقال يعبر عن رأي كاتبه فقط ولا يعبر بالضرورة عن سياسة الموقع
للتواصل مع الكاتب اضغط هنا https://www.facebook.com/sabrysirag.22
لمتابعة أهم وأحدث الأخبار اشترك الآن في خدمة مصراوي للرسائل القصيرة للاشتراك ...اضغط هنا
إعلان
