3 مواقف لنجوم الفن في بيت الله الحرام.. أبرزها "الطماطم المبروكة"

حمدي أحمد

تحدث الفنان حمدي أحمد عن المرة الأولى التي ذهب فيها لآداء فريضة الحج ، وقال في لقاء تلفزيوني تعليقا على صورته مع زوجته في الأراضي المقدسة ممسكا بثلاث حبات من الطماطم، "قبل هذه الصورة لم أكن حجيت من قبل، لكن كنت حجيت في الخيال كثير أوي"، لافتا إلى انه كان يحب سماع حكايات الحجاج من أقاربه بعد عودتهم، مضيفا "لما كانوا زمان يروحوا الحج كانوا يجهزوا سحارة فيها أكل وملوخية ناشفة وأقراص ملح ويسافروا بيها من السويس، ومكناش نعرف عنهم أخبار لـ 3 أشهر هي مدة الحج ، ويقعدوا يحكولنا عن الحج لما يرجعوا".

وتابع حمدي "طول عمري عايش اتخيل هذا الحج وهذه المناسك بجمالها لحد لما سافرت.. ووصلت لجبل عرفات بقولهم انا عايز اطلع جبل عرفات قالولي انت على الجبل مكنتش مصدق فبكيت وفكرت ان الراجل خمني والناس قعدت تحلفلي".

وواصل حمدي سرد حكايته، مشيرا إلى أنه طلب من زوجته أن تأخذ سجادة الصلاة وتلحق به ليجدا مكان بعيد عن الازدحام ويتوجها إلى الله وصعدا على جبل، وأخذ يصلي ويدعي لفترة طويلة، " انهكت ودعيت دعاء والله وحق جلال الله عمري ما قولت الكلام ده في حياتي ولا اعرف طلع ازاي مع بكاء شديد.. ارهقت من الدعاء فارتميت على الارض وانا قايم لقيت 3 حبات طماطم أمامي، ايه ده وطماطم طب ايه اللي جابهم لو تفاح كنت قولت وقعوا من حد ، قولت ده رزق من عند ربنا قطع يا واد الطماطم واديت كل اللي كان معايا في الخيمة كل ما دي واحد حتة طماطم يقولي جبتها منين اقوله متسألنيش يقولي دي زي السكر، لكن شخص واحد رفض تناولها وقبل ما يطلع النهار كانت عربية الإسعاف شيلاه، وتردد أن السبب رفضه لتناول الطماطم" .