الجندي يؤكد: أموال المصريين من فوائد البنوك حلال.. و"كل قرض جر نفعاً فهو حرام" ليس بحديث

كتب- محمد قادوس:

حول مسألة تحريم بعض المتشددين تحريم فوائد البنوك والتعامل معها، ظهر الشيخ خالد الجندي، عضو المجلس الأعلى للشئون الإسلامية، بعدد كبير من الكتب الدينية على الهواء مباشرة، معلقا: "شايفين المجلدات دى، انا جبتها من مكتبى عشان كلنا نفهم، ونرد على الجهلاء وتجار الدين، دي الموسوعة الفقهية، دي شارك في كتابتها كل علماء الأمة على مستوى العالم، عشان تعرف ان الكلام انا مش جايبه من عندي".

وبدأ الجندي يقرأ من بعض صفحات الكتب التى امامهم، ليؤكد ان فوائد البنوك حلال وليست حراماً، وأن المصريين أموالهم حلال من فوائد البنوك.

"كل قرض جر نفعا ربا" ليس حديثا نبويا

وتابع عضو المجلس الأعلى للشئون الإسلامية أن المصريين لا يتناولون أموالا حراما من فوائد البنوك، مثلما تحاول بعض الجماعات الضالة ترويجه، لافتا إلى أنه طبقا لإباحة ربا الفضل عند ٩ من الصحابة والتابعين، فوائد البنوك حلال.

وأضاف الجندي: "اللى بيقرأ ويسهر غير لما واحد جاهل يتكلم وهو مش فاهم بيقول ايه، امبارح شوفت واحد من اللى هربانين فى تركيا، بيقول بمنتهى الوقاحة، قال رسول الله صلى الله عليه وسلم، كل قرض جر نفعا فهو ربا، فأنا بقوله له ده مصيبة، الجاهل ده لازم يفهم ان ده مش حديث ده كلام واحد اسمه فضالة بن عبيد الله، اهى دة مفاجأة له واحد ولا قرا وبيجادل، يعنى جاهل وبيجادل".