"عايزين نركز على اللي عايز يتعلم"..وزير التعليم معلقًا على تسريب الامتحانات

كتب- محمد خميس:

علق الدكتور طارق شوقي، وزير التربية والتعليم، على قيام بعض الطلاب بفتح محرك البحث "جوجل" على أجهزة التابلت، قائلًا: "إحنا كوزارة نُسأل على الامتحانات وتقديم خدمة تعليمية جيدة والمنظومة التعليمية تعمل بشكل جيد؛ إنما القضايا الأخلاقية والمفاهيم يُسأل عنها المجتمع ككل، ويشترك معنا فيها الأهل، والإعلام يقوم بمناقشة القضية.. احنا مش هنشتغل بعنينا بوليس".

وأضاف شوقي، خلال مداخلة هاتفية مع برنامج "مساء دي إم سي" على فضائية "دي إم سي"، اليوم السبت: "اللي مش عايز يتعلم مش هنقدر نعلمه بالعافية، وهمَّ عارفين نفسهم إنهم مش هيتعلموا ومسؤولين عن قرارهم بقى، واحنا مش عايزين نظلم اللي عايزين يتعلموا، فبدل ما نركز على اللي عايزين يفتحوا جوجل نركز على اللي عايز يتعلم".

وتابع وزير التربية والتعليم: "نجاح المنظومة بالنسبة إلينا كوزارة أن متوسط الطلاب في المواد المختلفة يزيد عما حققوه في امتحانات نهاية العام في مايو الماضي"، مضيفًا: "عايزين الأهالي مايقولوش لولادهم جبتوا نمرة كام؛ ولكن الأهم هو تحسن درجاتهم عن العام الماضي، وهو ما نتطلع إليه".