بالصور.. هدوء بمحطات الوقود بالبحيرة في أول أيام إقرار التسعيرة الجديدة

البحيرة - أحمد نصرة:

شهدت محطات الوقود بمحافظة البحيرة هدوءًا ملحوظًا، اليوم الجمعة، في أول أيام إقرار الأسعار الجديدة للمحروقات، بعد زحام شديد وتكدس خلال الساعات الأخيرة من مساء أمس الخميس لمحاولة الشراء بالأسعار القديمة.

قال علي فضل – عامل بمحطة وقود:" أمس اشتغلنا طوال الوقت من الزحمة وفضلنا نبيع بالأسعار القديمة، ولم نطبق الجديدة غير الساعة واحدة صباحًا".

ولجأت معظم المحطات إلى الإعلان عن الأسعار الجديدة بخط واضح وفي أماكن بارزة تفاديًا لحدوث أية مشكلات ولتجنب الاستفسارات المتكررة عنها".

قال محسن صبري - مدير محطة وقود:" كل شوية حد يعدي ويسأل، ريحنا دماغنا وعلقنا الأسعار الجديدة علشان الكل يكون عارفها و مايسألش".

وقال إبراهيم عدلي – عامل:" النهاردة الجمعة طبيعي الحركة خفيفة، خصوصًا إن أغلب الناس لسه مفولة امبارح لما عرفت إن فيه زيادة هتتطبق، يوم بالكتير و الحركة هترجع طبيعية".

وقال محمد الدالي – تاجر:" امبارح كان زحمة غير عادية، ما عرفتش أفول الناس كلها كانت في محطات البنزين ولا كأنها التفويلة الأخيرة في حياتهم، طيب ما بعد كده هيتعاملوا علطول بالأسعار الجديدة، كان لزمته إيه الزحام".