بالفيديو- في عيد العمال.. "الشقيانين ملهمش أجازة"

كتبت-دعاء الفولي:

تصوير-منعم سامي:

بينما تنعم الشوارع بهدوء العطلة الرسمية، يبحثون هم عن أرزاقهم، يجوبون الأماكن المختلفة، أو يعملون في ظروف صعبة، "عيد العمال" بالنسبة لهم مجرد يوم عمل عادي.

من سوهاج أتى عماد السيد للقاهرة، ظروف العمل أجبرت الأب الثلاثيني على النزول يوميا، يبيع العصائر المثلجة ليكفي

احتياجات البيت "الموسم بتاعنا في الصيف بس، في الشتا بندور على شغلانة تانية".

العيد بالنسبة لعماد ضرب من الخيال "معندناش رفاهية القعدة في البيت، يادوب اللي جاي على أد اللي رايح"، تلك هي فلسفة رجب أيضا، إذ يطوف الشاب بمنطقة المهندسين، قائدا درّاجة لبيع الخبز "لازم أنزل كل يوم عشان بوزع لمحلات ومستفشفيات"، لا يشعر الشاب بالإجازة الرسمية "أكتر حاجة بعملها إني أخلص على الضهر وأروّح".

فوق سيارة نقل، كان محمد عادل وزملاؤه ينقلون الرخام لأحد العقارات غير مكتملة البناء. الشمس تُسلط حرارتها على أجسادهم، لكن "أكل العيش عايز كدة" حسب قول عادل. السخرية هي رد فعل الشباب كلما سمعوا عن "عيد العمال"، يقول أحدهم "لو البلد فيها شغل كنا هنعيّد، لكن احنا ما بنصدّق نلاقي رزق".