الاختيار 3 الحلقة 4.. كواليس مخطط إقالة النائب العام.. وخيرت الشاطر: "هنسيبهم يهللوا"

كتبت- منال الجيوشي:

شهدت الحلقة الرابعة من مسلسل "الاختيار 3"، عددا من الأحداث الهامة، من بينها كواليس أزمة الإطاحة بالنائب العام في عهد حكم الإخوان المستشار عبدالمجيد محمود.

وفي أحد المشاهد الذي ضم محمد بديع مرشد الإخوان (عبدالعزيز مخيون)، وخيرت الشاطر (خالد الصاوي)، ومحمد البلتاجي (هشام إسماعيل)، ومحمود عزت (مجدي سعيد)، قال الأول:

بديع: كلهم كده بقوا متمسكين بعبدالمجيد محمود

عزت: المستشار الزند ونادي القضاة حشدوا القضاة والمستشارين اعتراضا على قرار الرئيس، ورصدنا مكالمات بينهم بتبين تمسكه بمنصبه كنائب عام.

خيرت الشاطر: احنا من جانبنا هنسيبهم يهللوا ويعووا، مفيش حد في البلد مهتم بيهم أصلا، احنا هنوريهم إنهم بالطريقة دي بيزقوا البلد لحرب أهلية، ساعتها كل الجهات الموجودة هتجيب ورا، وهيعرفوا احنا نقدر نعمل إيه

ورد بديع: مش عايزين نزودها عشان متتقلبش علينا

صفوت: اطمئن حضرتك، تعليماتنا للمجموعات النوعية ردع المحتجين مش هنموتهم

خيرت: اللي هيشيل الأزمة فلول النظام السابق وبلطجية رجال الأعمال

بديع: ولو الأمور مهديتش، خيرت: بإذن الله ربنا هيوفقنا ولن نتراجع

بعدها يظهر محمد مرسي بصحبة أحد مستشاريه داخل قصر الاتحادية

مرسي: مش معقول كده أنا مش موافق على اللي حصل، أقابل عبدالمجيد محمود أقوله إيه ده طلع هاجمني في كل القنوات

ليرد المستشار: احنا نقول الموضوع كله عبارة عن سوء تفاهم، حضرتك لما لقيت فيه هجوم عليه حبيت ترفع عنه الحرج، فطلبت مننا نتواصل ونطرح فكرة تعيينه كسفير، لأن المستشارين فكروا إنه مرحب بالفكرة فالرئاسة أعلنت والموضوع كله سوء تفاهم ومعلومات غلط، وحضرتك ماكنتش تعرف.

مرسي: ماشي، بس لازم تبلغ المهندس خيرت أنا مش موافق على اللي حصل، الأمور في مكتب الإرشاد لازم تدرس جيدا لأن القرارت المتهورة بتأثر على قوة الرئاسة، بس بلغه بطريقة دبلوماسية لأني بحبه".