إفطار اليوم من مصراوي: حمام محشى بالرز وكنافة بالموز

حمام محشى بالرز

المقادير
10 x عدد عيدان كرفس، 4 x عدد بصل (مفروم)، 4 x عدد حمامة (منظفة)،3 x معلقة كبيرة زبدة ،3 x عدد ورق لورا،2 x معلقة كبيرة زيت عباد شمس،2 x معلقة صغيرة ملح ،1 x كوب (140 جرام) أرز عادى،1 x معلقة صغيرة زعتر،1 x عدد بصلة (مقطعة نصفين)،1 x كوب (140 جرام) زبادي،1 x عدد حباية جزر،1 x معلقة صغيرة فلفل اسود مطحون،½ x كوب (140 جرام) عين جمل (مجروش)،½ x معلقة صغيرة كمون، ½ x معلقة صغيرة بهارات دجاج، ½ x معلقة صغيرة قرفة، ¼ x معلقة صغيرة جوزة الطيب (مطحونة)

الخطوات
فى حلة على النار ضيفى الزبدة ولما تسيح اقلبى فيها البصل المفروم حتى يدبل، ثم ضيفى الرز والقرفة والملح والفلفل وجوزة الطيب والبهارات و كوب ونصف ماء ونقلب واتركى الرز حتى يتشرب .
ثم قومى بتنظيف الحمام جيداً جدا بالماء والخل ، وأدخلى صباع السبابة من رقبة الحمامة بالراحة جدا ونفصل كل الجلد عن اللحم. المفروض الصباع يدخل ناحية الجهة اليمنى لحد ما نوصل لبطن الحمامة، وبعدها حركيه ناحية الجهة اليسرى واخرجيه تانى براحة وبحذر حتى لا يفتح الجلد .
فى حلة على النار ضيفى ماء ومعاه الجزر والبصل والكرفس والزعتر وورق اللورا واتركيه يغلى.
ثم ضيفى عين الجمل على الرز بعد ما يبرد واخلطيهم جيداً وابدأى احشى الحمام من ناحية الرقبة الأول وبعدين من ناحية البطن.
بعد حشو الحمامة ادخلى رجل من رجلين الحمامة فى المؤخرة بحذر ، وادخل الرجل التانية من تحتها مباشرة،ثم اعملى خروم فى ضهر الحمامة بخلة خشب حتى لا يفتح الجلد أثناء التسوية.
ثم لفى الحمام فى ورق فويل كل حمامة لوحدها واقفليها الفويل جيداً وضيفيهم للماء المغلى ولمدة نصف ساعة تقريبا.
بعد كده فى بولة صغيرة ضيفى الزبادى وعليه معلقتين زيت وقلبيهم جيدا وادهنى بيهم الحمام وبعدها ادخليه الفرن تحت الشواية من 5 ل 10 دقائق علشان يتحمر، وبكده يبقى جاهز للتقديم.