"لاقيت نفسي في بيت العروسة".. شباب يروون تجربتهم مع ضغط الأهل للزواج

- بلال همام، صحفي، 29 عاما

تعرض بلال همام لضغط من والدته وأخواته البنات، بطريقة مختلفة نوعًا ما، هم يعلمون أنه لا يمكن اقناعه بسهولة، لذلك كانوا يبحثون له عن العروس بطريقة غير تقليدية.

"أهلي حاولوا الضغط والتأثير عليا، من غير ما يعرضوا عليا عرايس، بس كانوا متابعين الفيسبوك عندي كويس جدا، ودايمًا يسألوني هو مفيش جديد؟"، يقول "بلال".

أخوات بلال ووالدته لم يتركوا أي بنت تتحدث معه على وسائل التواصل الاجتماعي، إلا وسألوه عنها، فربما تتخفى حبيبته بين هؤلاء.

"والدتي كانت خايفة العمر يجري بيا، كنت بقولهم دايمًا إني مش عاوز اتجوز أو مش حابب، وكتير كدبت عليهم وقلت لهم إن أي بنت من اللي بيسألوني عنها مرتبطة".

أعلن بلال عن ارتباطه بفتاة التي يحبها واختارها بنفسه دون أي ضغط، لكنه في السابق حاول التفكير للزواج بطريقة تقليدية والنزول إلى رغبة والدته: "لفترة بسيطة جدا فكرت في الجواز والاستقرار، أولا أنا كنت محتاج شريك حياة، وتاني حاجة والدتي تعبت وكنت خايف على صحتها".

يوضح همام: "أنا عندي أزمة كبيرة مع منظومة الجواز، وقررت إني مش هاخد الخطوة دي إلا لو لاقيت البنت اللي هيكون فيها شيء مقدرش أقاومه، وأحس إني حابب أقضي يومي معاها".